Генералното собрание на УНЕСКО го прокламираше во 1999 година Денот на мајчиниот јазик, како сеќавање на студентите кои на 21 февруари 1952 година се убиени во Дака во Источен Пакистан, денес Бангладеш, бидејќи протестираа поради тоа што нивниот мајчин јазик не е прогласен за официјален.
Според проценките, речиси секојдневно во светот исчезнува по еден јазик, а лингвистите прогнозираат дека околу 6.000 јазици, до крајот на 21 век ќе изумрат повеќе од половина, дури и до 90 отсто.
Најмногу се загрозени јазици со мал број говорници од неколку стотина или десетина и јазици кои припаѓаат на мали заедници кои не се цивилизирани со население со западни стандарди и немаат институции, сметаат лингвистите.
По повод денешното одбележување Претседателот на Република Македонија Ѓорге Иванов ќе го посети Филолошкиот факултет „Блаже Конески“.
Извор: курир
