„Ова беше последен натпревар на ова ЕП кој значеше пласман во квалификациите за Олимписките игри во Лондон и никако не смееме да го заборавиме квалитетот на Словенците. Собравме сили и одигравме како што знаеме, исто како и на претходните настапи на ова ЕП. Го оставивме срцето на теренот, гиневме еден за друг, тоа е тајната на нашиот успех. Сега сме петти во Европа, што е навистина страшна работа. Некој пред почетокот на ЕП да ни понудеше такво нешто, не знам што ќе се случеше. Сакам да им се заблагодарам на сите оние кои искрено не пратеа и поддржуваа цело ова првенство. Среќни сме што израдувавме два милиони луѓе“ - рече по големата победа над Словенија првиот чувар на нашиот гол, нашиот „Министер за одбрана“ - Борко Ристовски.
извор: Курир
