Македонската репрезентација извојува голема победа против репрезентацијата на Словенија со резултат 28-27.
Започнавме молскавично во првиот дел, со брзите контри и добрата реализација на полувреме имавме позитивен резултат 16-12. Во првиот дел, Борко блескаше на нашиот гол со 7 одбрани.
Вториот дел го започнавме слабо, бевме бавни во одбраната и слабо реализиравме, но најверојатно чекавме Миркуловски да проработи. По неговите 2 погодоци, нашата репрезентација се разбуди и повторно се врати во колосек.
Стојанче Стоилов е нашиот најпрецизен играч на ова првенство. Тој на овој натпревар постигна 6 погодоци од 8 обиди.
Борко натпреварот го заврши со 10 одбрани.
Ве чекаме да поминете низ триумфалната порта, со широко отворени раце и полни срца, наполнети со гордост. Благодарение на вас, Македонија е пример за тоа како една малечка земја со големо срце, може високо да котира во Европа.
