Овој натпревар е од големо значење за нашата репрезентација, играме за високото петто место кое не води во квалификациите за Олимпијадата во Лондон. Триумф над Словенија ќе значи остварување на македонскиот сон, остварување на највисоката цел која си ја поставивме пред да тргнеме за Србија - пласман во квалификациите за Олимпијадата.
Нашите ракометари слично како и кошаркарите во последниве две недели ја сплотија целата нација, спортот покажа дека е најдобриот амбасадор на една земја и има неверојатна моќ за обединување.
Сега е вистинскиот момент да им покажеме на ракометарите дека сме со нив, да излеземе масовно и максимално да ги бодриме како што тоа го правевме за кошаркарите.
Утре заедно да навиваме за Македонија, заедно да ги вееме македонските знамиња и во еден глас да ја пееме македонската химна.
